Mbrojtja nga zjarri me suvatë me bazë gipsi

Weiter

Mbrojtja nga zjarri me suvatë me bazë gipsi

Mbrotje nga zjarri me suva gipsi

Për shkak të zjarreve, dëmet në ndërtesa janë gjithnjë e më të mëdha. Për të mënjanuar dhe zvogëluar dëmet duhet të plotësohen më parë kërkesat e qëndrueshmërisë strukturale të ndërtesës. Për këtë arsye përdorimi i materialeve jo të djegshme ka shumë rëndësi. Suvaja me bazë gipsi sipas DIN 1168/ DIN EN 13279-1 përfshihet në listën e materialeve ndërtimore jo të djegshme.

Gipsi është një material ndërtimi prej minerali dhe jo i djegshëm, i klasifikuar në klasën e materialeve të ndërtimit A1 sipas DIN 4120. Përveç kësaj, ndërtimi i suvasë së gipsit ka një rëndësi të veçantë. Në brendësi të kristalit të gipsit ka dy molekula ujë, të cilat për një trashësi 10 mm suva gipsi përbëjnë rreth 2 litra ujë për m². Gjatë zjarrit ky ujë çlirohet dhe gjatë zhvillimit të nxehtësisë, avulli i ujit krijon një vello avulli ftohëse, bllokuese e zjarrit, e cila thith energjinë e nxehtësisë dhe kujdeset që temperatura në zonën e prekur të mos i kaloj 100°C. Gipsi vepron në mënyrë aktive në zvogëlimin e përhapjes së zjarrit.

Gipsi është provuar si një material ndërtimi me mbrotje nga zjarri dhe gjen përdorimin e saj rregullisht në përmirësimin e qëndrueshmërisë nga zjarri të elementëve ndërtimore.

Veshja e strukturave të betonit me një shtresë suvaje gipsi, është forma më e lehtë e mbrotjes nga zjarri. Detyra kryesore e shtresës së gipsit në këtë rast, është nga njëra anë të mënjanojë rritjen e shpejtë të temperaturës së konstruksionit dhe nga ana tjetër të rrisë dimensionin e seksionit, veçanërisht të kollonave dhe trarëve.

Suva gipsi mbi beton pa fasho

Në rast se suvaja e gipsit vendoset pa fasho duhet që më parë të garantohet aftësia ngjitëse e suvasë nëpërmjet përdorimit të solucioneve paratrajtues apo të ndonjë trajtimi ekstra. Kjo sigurohet në rast se sipërfaqja që do të suvatohet :

a) plotëson kërkesat sipas DIN V 18550
b) është sprucuar me një suva me bazë çimento në të gjithë sipërfaqen me një trashësi prej 5 mm dhe
c) kur sipërfaqja që do të suvatohet është e përbërë nga materialet e mëposhtme:

Beton sipas DIN 1045 i derdhur në forma të zakonshme psh. forma druri, çeliku ose plastike.
Beton sipas DIN 1045 në kombinimm me struktura të tjera të ndërmjetme sipas DIN 4159 dhe DIN 278.
Beton i lehtësuar psh. Bimsbeton

Porobeton.

Suva gipsi me fashore jo të djegshme

Suvaja e gipsit mbi mbajtëse suvaje jo të djegshme mund të përdoren në rast se plotësohen kushtet e mëposhtme:

a) Mbajtësi i suvasë duhet të jetë i fiksuar mjaftueshëm në strukturën e ndërtimit p.sh. nëpërmjet vidhosjes – gjithashtu edhe me ndihmën e shinave prej llamarine të vedosura në distancë nga njëra tjetra.
b) Largësia ndërmjet mbajtësve të suvasë duhet të jetë ≤ 500 mm.
c) Fashoret duhet të mbivendosen 10 cm mbi njera tjetrën në bashkim; profilet e veçanta të fashoreve të lidhen me tel.
d) Suvaja duhet të përshkojë fashot në trashësi ≥ 10 mm.

Mure tulle, kollona dhe tra

Për të përmirësuar klasën e qëndrueshmërisë nga zjarri, muri duhet të suvatohet nga të dyja anët. Si suva për të përmirësuar klasën e qëndrueshmërisë nga zjarri mund të përdoren suvatë e gipsit që i takojnë klasës së llaçrave PIV sipas DIN V 18550. Kushti kryesor për të siguruar ndikimin e mbrojtjes nga zjarri të suvasë është aftësia e mjaftueshme ngjitëse e suvasë mbi sipërfaqen e suvatuar. Kjo arrihet në rast se kërkesat e sipërfaqes së suvatuar plotëson kërkesat sipas DIN V 18550.

Në varësi të trashësisë dhe llojit të materialit ndërtimor të murit, kollonës apo trarit mund të përcaktohen klasa e nevojshme e qëndrueshmërisë nga zjarri.

Mure mbajtëse dhe jo mbajtëse

Këto mure i takojnë një klasë qëndrueshmërie nga zjarri deri F 30-B DIN 4102-4, paragrafi 4.11. Për të arritur këtë klasë qëndrueshmërie nga zjarri, muri duhet të jetë i suvatuar me një suva gipsi i grupit të llaçrave P IV sipas DIN V 18550, në një trashësi ≥ 15 mm.

Suva gipsi mbi kollona dhe tra çeliku

Suvatë e gipsit mund të vendosen mbi fasho jo të djegshme ose në rast se është e lejuar edhe direkt mbi çelik për të arritur një klasë më të lartë të qëndrueshmërisë nga zjarri. Më parë kërkohet një trajtim i sipërfaqes prej çeliku me solucion për mbrotjen nga korrozioni. Veshja me suva e kollonave prej çeliku me fasho metalike ose rrjetë metali kërkon përdorimin e distancuesve ose të ngjashme, për të siguruar që suvaja të përshkruajë fashon të paktën 10 mm. Fashot e suvasë suhet të fiksohen mjaftueshëm në kollona dhe në tra.